Eńbek jáne halyqty áleýmettik qorǵaý mınıstri Birjan Nurymbetov karantın kúsheıtilgennen keıin 42 500 teńgeniń tólenýine qatysty pikir bildirdi.

– Endi 42 500 teńge tólenbeıdi. Ony josparlap ta otyrǵan joqpyz. 42 500 áleýmettik tólemine búdjetten qarjy qarastyrylmaǵan. Tótenshe jaǵdaı kezinde 42 500 teńge tóleýge biraz qarajat jumsaldy, – dedi Nurymbetov.

Onyń aıtýynsha, tótenshe jaǵdaı kezinde 8 mln-nan astam adam 42 500 teńgege ótinish bergen.

– Bizge Ulttyq bank TJ ýaqytynda kóp kómegin kórsetti. Ol qor aktıvterin satý, qarjy quraldaryn jabý arqyly qajetti aqsha qarajatyn bosatyp berdi. Sonyń arqasynda memlekettik áleýmettik saqtandyrý qory 322 mlrd teńge aktıvin jumsap, 4 mln 607 myń adam 42 500 teńgeden aldy. Sol sebepti búgingi kúni memlekettik áleýmettik saqtandyrý qorynyń qarjylyq múmkindigi shektelip otyr. Eger ahýalǵa baılanysty qandaı da bir tólemder jasaý qajettiligi týyndap jatsa, onda basqa qarjy kózderin qarastyramyz, – dedi mınıstr.