Qazaqstan prezıdenti Qasym-Jomart Toqaevtyń jarlyǵymen eldiń densaýlyq mınıstri Eljan Birtanov qyzmetinen bosatyldy. Bul týraly Aqorda saıty habarlady.
Saıtta jarıalanǵan Toqaevtyń jarlyǵynda Birtanovtyń ne sebepti qyzmetinen bosatylǵany týraly eshqandaı málimet joq.
Buǵan deıin Birtanovtyń koronavırýs juqtyrǵany habarlanǵan. Sodan beri onyń qyzmetin orynbasary Lázzat Aqtaeva atqaryp keledi.
48 jastaǵy Eljan Birtanov 2017 jyldan beri Densaýlyq mınıstrligin basqardy. Ony bul qyzmetke eldiń sol kezdegi prezıdenti Nursultan Nazarbaev taǵaıyndaǵan edi.
Pikir qaldyrý