QR Úkimetiniń qaýlysymen Lázzat Meırashqyzy Aqtaeva bergen ótinishine sáıkes QR densaýlyq saqtaý vıse-mınıstri qyzmetinen bosatyldy. Bul týraly Premer-Mınıstrdiń Baspasóz qyzmeti habarlaıdy.
Lázzat Aqtaeva 1965 jyly Almaty oblysynda dúnıege kelgen. Almaty memlekettik medısına ınstıtýtyn (1988 j.) jáne QR Prezıdenti janyndaǵy Memlekettik basqarý akademıasyn (2003 j.) támamdaǵan.
Eńbek jolyn 1988 jyly Almaty qalasynyń №3 perzenthanasynda akýsher-gınekolog bolyp bastaǵan. Ár jyldary Qazaqstannyń densaýlyq saqtaý júıesinde basshylyq qyzmetterdi atqarǵan. 2017 jylǵy aqpan aıynda QR densaýlyq saqtaý vıse-mınıstri bolyp taǵaıyndalǵan.
Pikir qaldyrý