Almatyda sanıtarlyq talaptardy saqtamaǵany jáne karantın kezinde kóp adammen kópshilik shara ótkizgeni úshin «Dostlýk» kafesiniń qyzmeti toqtatyldy.

Aǵymdaǵy jyldyń 27 maýsymynda sanıtarlyq talaptardyń saqtalýyn baqylaý boıynsha mobıldi top saǵat 08.00-den 18.00-ge deıin nysandardy aralap shyqty. Tekserý barysynda sanıtarlyq normalardy elemeıtin nysandar anyqtaldy. Atap aıtqanda, «Dostlýk» kafesi. Kafe aýmaǵynda óreskel tártip buzýshylyqtar anyqtaldy, atap aıtqanda kóp adam jınalǵan is-shara ótkizilgen. 100 adamǵa arnalǵan Banket (úılený toıy). Mekemeniń ıesine ákimshilik hattama toltyrylyp, is-shara sol mezette toqtatyldy.

Epıdemıologtar is-sharanyń qonaqtarymen qashyqtyqty saqtaý jáne úı ishinde kóp jınalýdyń aldyn alýdyń mańyzdylyǵy týraly túsindirý jumystaryn júrgizdi. COVID-19 - bul aýa tamshylarymen beriletin juqpaly vırýs. Jabyq ǵımarat jáne adamdardyń kóptep jınalýy vırýstyń taralýyna qolaıly jaǵdaı jasaıdy.

Anyqtalǵan buzýshylyqtarǵa baılanysty kafeniń jumysy toqtatyldy. Taýarlar men qyzmetterdiń sapasyn baqylaý Departamentiniń mamandary ákimshilik quqyq buzýshylyq týraly hattama jasady, is sotqa jiberildi.
Eske salsaq, Almaty qalasy ákiminiń tapsyrmasy boıynsha monıtorıń toptary kásipkerlik sýbektileriniń sanıtarlyq talaptardy saqtaýyn baqylaý boıynsha qarqyndy jumystar júrgizýde.

22-27 maýsym aralyǵynda monıtorıń toby 479 SHOK sýbektilerin qamtydy. Bas memlekettik sanıtarlyq dárigerdiń qaýlysyn buzýshylyqtar kelesi nysandardan anyqtaldy: «Azamat», «Qazyna», «Dáýlet» dúkenderi, «Lanzhou», «Jastar», «Qaraǵaıly», «Alataý», «Shaǵyn market», «Aqbópe», «Asqar», «Aıarý», «Dıalog» asqanalary», «Kókónis dúkeni, «Aqjol» avto bólshekteri dúkeni, výlkanızasıa.

Sondaı-aq tártip buzǵandar tizimine: Baıterek meıramhana kesheni, Sababa, «Daredjanı», Tomato, «Horoshıı god», Leo`s Cafe & Terrace, Frau Irma, «Máta Platinum», «Tarhýn», Samal, «Iakor», Friuli, KenRai, Lobby, «Juldyz», Crudo, «Shah», «Pýgasov», Origano, «Zoloto», «Ý Stefanıı», Good-Beef Steak House, Sea Marinè, Velour, «Dýshevnaıa kýhná Shef», «Del Papa», «Alasha», «Park Hall», «Jaılaý». Kafeler: «Dástúr», «Alataý Sentr», «Afısha», «Cicek Mangal», «Teplısa», «Pekınskaıa Ýtka», «VetKafe», «Pýblıka», «Gostı», Go bar, «Tamshy Býlak», «Mamlambo», ZEN, «Zlato», «Altyn-Aı», «Vostochnyı Kvartal», «Kofeıná», Excellent, Kalispera, Gloria Jean's Coffees, Urban Coffee, Honest, Mandarino, Eclair, Nautika, «Masıso», «Jan Plov lagman», Coffeedelia, Bisquit, «Jazǵy aýla», «Mansarda», «Stolovaıa syrmaq», «Keremet», «Provans», perdeshe salony, JK «Mamaeva», «Cherkash» kirdi.

Atalǵan obektilerde kelesi tártip buzýshylyqtar anyqtaldy:

 

- áleýmettik qashyqtyq belgileriniń bolmaýy;
- baılanyssyz termometrıany saqtamaý;
- jeke qorǵaný quraldaryn tıisinshe paıdalanbaý jáne kádege jaratý;
esepke alý jýrnalynyń bolmaýy;
sanıtaızerlerdiń bolmaýy;
- pavılondarǵa kire beriste dezınfeksıalaý kilemsheleriniń bolmaýy;
- paıdalanylǵan maskalar men qolǵaptar úshin qoqys jáshiginiń bolmaýy;
- azyq-túlik dúkenderinde ónimderde qorǵaý plenkalarynyń bolmaýy.