Almaty oblysy ákiminiń baspasóz qyzmeti 11synyp oqýshysynyń adam ómirin qutqaryp qalǵanyn habarlady.

"Arystan" mamandandyrylǵan lıseıiniń 11-synyp oqýshysy Mıras Beısen dosymen Talǵar qalasynyń ortalyǵyndaǵy kópir boıymen kele jatyp, ózenge kópirden sekirgeli turǵan er adamdy baıqaǵan.

– Mıras esh abdyramastan, dosyna polısıa men jedel járdemge qońyraý shalýyn ótinip, ózi tómen, ózenge qaraı júgirgen. Býyrqanǵan ózenniń qatty aǵysynan qoryqpaǵan ol, er adamnyń qaza bolýyna jol bermeı, ony jaǵaǵa shyǵarǵan. Sol sátte oqıǵa ornyna polısıa men jedel járdem de kelip jetken, – deıdi Almaty oblysy Polısıa departamenti basshysynyń orynbasary Oraz Joldasov.

Aldyn ala málimet boıynsha, zardap shekken adam Talǵar qalasynyń 1982 jylǵy turǵyny. Ol mas kúıde bolǵan.