Memleket basshysy Qasym-Jomart Toqaev koronavırýstyń taralýyna qarsy sharalar qabyldaý jóninde keńes ótkizdi. Bul týraly prezıdenttiń baspasóz hatshysy Berik Ýálı habarlady.

– Qasym-Jomart Toqaev koronavırýs indetiniń taralýyna qarsy sharalar qabyldaý jónindegi keńeste ózderine júktelgen mindetterdi shala oryndaǵan birqatar sheneýniktiń jumysyn synǵa aldy. Osyǵan baılanysty Memleket basshysy jumysyna salǵyrt qaraǵany úshin Shymkent qalasynyń ákimi M.Áıtenovke, Aqtóbe oblysynyń ákimi O.Orazalınge, Pavlodar oblysynyń ákimi Á.Sqaqovqa jáne Vedomstvoaralyq komısıanyń tóraǵasy E.Toǵjanovqa sógis jarıalady, – dedi prezıdenttiń baspasóz hatshysy.

Sondaı-aq prezıdent Nur-Sultan qalasynyń ákimi A.Kólginovke, Almaty qalasynyń ákimi B.Saǵyntaevqa, Sıfrlyq damý, ınovasıalar jáne aeroǵarysh ónerkásibi mınıstri A.Jumaǵalıevke eskertý jasady. 

– Atyraý, Qostanaı jáne Batys Qazaqstan oblystarynyń ákimderine óńirlerdegi ahýaldy retteý qajettigin eskertti. Atalǵan másele barlyq oblystyń basshylaryna da qatysty ekenin aıtty, – dedi B. Ýálı.