Túrkistanda karantın talaptaryn saqtamaı, qudalyq ótkizýge ruqsat bergen meıramhana anyqtaldy. Bul týraly oblystyń baspasóz qyzmeti habarlady.
"Senbi, jeksenbi kúnderi jumys isteýge tyıym salynǵan nysandardy baqylap, reıd júrgizý kezinde jergilikti polısıa qyzmetiniń ınspektorlary Arys qalasy kósheleriniń birinde ornalasqan meıramhananyń jumys istep, ishinde adamdar toptasyp, qudalyq ótkizip jatqanyn anyqtady, delingen habarlamada.
Óńirde ınfeksıalyq aýrýlardy juqtyrǵan naýqastar sany azaımaı, karantın rejımi jaǵdaı turaqtanǵansha jalǵasady. Túrkistan oblysy bas sanıtar dárigeriniń sheshimine sáıkes, shekteý sharalary qaıta kúsheıtilgen.
Oblystyń polısıa departamentine qarasty barlyq polısıa bólim, basqarma qyzmetkerleri adam kóp shoǵyrlanatyn qoǵamdyq oryndar, bazar, kafelerde túsindirme jumysyn júrgizýde. Arnaıy kólikpen kóshe-kósheni aralap, qaýipsizdik sharalarynyń, araqashyqtyqtyń saqtalýyn eskertip júr.
Osy zańsyzdyq boıynsha qajetti materıaldar jınaqtalyp, sanıtarıalyq-epıdemıologıalyq qyzmet organdaryna jiberildi.
