QR Premer-Mınıstriniń orynbasary Eraly Toǵjanov elimizde qalalar arasynda blokbeketter bolmaıtynyn aıtty. Bul týraly ol ortalyq komýnıkasıalar qyzmetinde ótken onlaın baspasóz máslıhatynda málimdedi.
– Júrip-turýǵa eshqandaı anyqtamalar kerek emes. Qalalar men óńirler arasynda blokbeketter ornatylmaıdy. Tek óńirler arasyndaǵy jolaýshylar avtobýsy qatynasy ýaqytsha toqtaıdy, – dedi E. Toǵjanov.
Eske sala keteıik Qazaqstanda epıdemıologıalyq ahýaldyń órshýin jáne koronavırýs ınfeksıasymen syrqattanýshylyqtyń ósýin eskere otyryp, Memlekettik komısıa bıylǵy 5 shildeden bastap 14 kúnge birqatar shekteý sharalaryn engizý týraly sheshim qabyldaǵan bolatyn.
Pikir qaldyrý