Avstralıanyń premer-mınıstri Skott Morrıson beısenbi kúni Qytaı úkimeti Gonkong úshin qaýipsizdik týraly jańa zań qabyldaǵannan keıin Ulybrıtanıa Gonkong azamattaryna vıza usyný týraly sheshim qabyldaýy múmkin ekenin eskertti. Oǵan qosa Avstralıanyń Ulybrıtanıa jaǵyna shyǵyp, Gonkong turǵyndaryna qoldaý kórsetýge daıyn ekenin jarıalady. Bul týraly Qamshy tilshisi The Independent basylymyna silteme jasap habarlaıdy.

London "sheteldegi Ulybrıtanıa azamaty" (BNO tólqujaty) mártebesi bar Gonkong azamattaryna jáne olardyń asyraýyndaǵy otbasylaryna Ulybrıtanıada bes jyl turyp, jumys isteýge, keıinnen azamattyq alýǵa ótinish bildire alatynyn málimdedi. BNO tólqujatyna ıe nemese ony alýǵa quqyly shamamen 3 mıllıon Gonkong azamaty bar. Ulybrıtanıanyń syrtqy ister mınıstri Domınık Raab parlamentke Gonkongpen tyǵyz qarym-qatynastaǵy basqa eldermen sóıleskenin aıtty.

Gonkongtaǵy oqıǵalarǵa qatysty Avstralıa úkimeti qoldaý kórsetýge daıyn ekenin málimdegen.

"Avstralıa Ulybrıtanıaǵa uqsas Gonkong turǵyndaryna qaýipsiz baspana usynýdy qarastyra ma?" degen suraqqa Avstralıa premer-mınıstri "Birneshe apta buryn qoldaý suraǵan usynystardy biz belsendi túrde qarastyryp jatyrmyz, ol týraly sońǵy máseleler qozǵalady. Jaqyn arada osyndaı múmkindikter berýdi mınıstrler kabınetinde qarastyramyz" degen.