Almaty qalasynyń bas sanıtarlyq dárigeri Jandarbek Bekshınniń jańa sheshimine sáıkes, budan bylaı qaıtys bolǵan adamdardy koronavırýsqa teksermeıdi.

«Tótenshe jaǵdaıdy qamtamasyz etý jónindegi jedel shtab otyrysynyń 2020 jylǵy 9 sáýirdegi «qaıtys bolǵan adamdardan COVID-19-ǵa test alý algorıtmin bekitý týraly» hattama óz kúshin joıdy», - delingen qujatta.

Eger adam aýrýhanadan tys jerde koronavırýstan qaıtys bolsa, jedel járdem dárigerleri men polısıa dereý epıdemıaǵa qarsy rejımniń talaptaryn saqtaı otyryp, qajetti sharalardy qabyldaıdy. Sondaı– aq, máıit koronavırýsqa zerthanalyq tekserýden ótkizilmeıdi.

SOVID-19-dan qaıtys bolǵan adamnyń denesi ashylmaıdy jáne týystaryna berilmeıdi. Marqummen týystary arnaıy belgilengen jerde qoshtasady.

Aıta keteıik, Qazaqstan boıynsha bul dertten barlyǵy 147 adam qaıtys boldy.