Almaty ákimi Baqytjan Saǵyntaevtyń tapsyrmasymen koronavırýs ınfeksıasynyń taralýyna jol bermeý jónindegi komısıa qaladaǵy epıdemıologıalyq jaǵdaıdy turaqtandyrý boıynsha qosymsha sharalar qabyldady.

Almatyda qosymsha karantın sharalary 27 maýsym saǵat 00.00-den bastap 29 maýsym caǵat 00.00-ge deıin kúshine enedi.

Qabyldanǵan sheshimge sáıkes bul kezeńde koronavırýs ınfeksıasynyń taralý qaýpi joǵary obektilerdiń qyzmeti toqtatylady:

Atap aıtqanda, iri saýda jelileri (azyq túlik, azyq túlik satpaıtyn), úıdegi dúkender túrindegi fılıaldaryn qospaǵanda jabyq bazarlar (azyq-túliktik, azyq-túliktik satpaıtyn, ámbebap), saýda-oıyn-saýyq ortalyqtary, saýda ortalyqtary, saýda úıleri;

qoǵamdyq tamaqtaný nysandary (ashyq aýadaǵy nysandardy qospaǵanda), fıtnes-ortalyqtar jabyq bolady.

Bazarlar óz qyzmetin 2020 jyldyń 29 maýsymynda qaıta jalǵastyra alady.

Qoǵamdyq kólikter de osy demalysta óz qyzmetin toqtatady.

Atap ótetin jaıt, joǵaryda atalǵan nysandarda sanıtarlyq-profılaktıkalyq jáne sanıtarlyq-epıdemıologıalyq sharalar júrgiziledi.

«Qosymsha shekteý sharalaryna baılanysty azamattarǵa qala boıynsha qozǵalysty shekteýdi eskertemiz. Qaýip tobyna kiretin adamdarǵa, ásirese egde adamdarǵa úıde qalý kerek.

Epıdemıaǵa qarsy sharalardy buzǵany úshin jeke jaýapkershilikke tartý qarastyrylǵan. Polısıa qyzmetkerleri tarapynan adamdar kóp jınalatyn oryndarda engizilgen shekteýlerdi saqtaý boıynsha patrúl kúsheıtiledi.

Suraqtar týyndaǵan jaǵdaıda azamattar 1308 nómiri boıynsha Open Almaty qoǵamdyq qabyldaýyna júgine alady» delingen ákimdik taratqan aqparatta.