Dúnıejúzilik densaýlyq saqtaý uıymynyń 4 shildedegi deregine saı, álem elderinde koronavırýs juqtyrǵandar sany 11 mıllıonan asyp ketti. COVID-19-dan ólgender sany – 529 197 adam. 

Juqtyrǵandar jóninen de, ólim faktisi boıynsha da AQSH kósh basynda tur. Bul elde 2 890 588 adam indetke shaldyqqan, 132 101 adam kóz jumǵan. Ekinshi orynda turǵan Brazılıada koronavırýsty 1 543 341 adam juqtyryp, olardyń 63 254-i ólgen.

Úshinshi, tórtinshi orynda turǵan Reseı men Úndistanda indetke shaldyqqandar sany 600 myńnyń ústinde. Biraq bul eki elde de ólgender sany 20 myńǵa jetpeıdi. Reseıde – 9859 adam, Úndistanda – 18699 adam kóz jumǵan. 

Ispanıa, Perý, Chılı, Ulybrıtanıa, Meksıka, Italıa, Iran, Pákistan, Túrkıa, Saýd Arabıa syndy 10 memlekette koronavırýs juqtyrǵandar sany 200 myńnyń ústinde. Al Germanıa, Ońtústik Amerıka, Fransıa, Bangladesh, Kolýmbıa, Kanada sıaqty 6 elde vırýs juqtyrǵandar sany 100 myńnan asqan.

Ótken táýlikte 1644 adamynan vırýs tabylǵan Qazaqstan dúnıejúzilik statısıkada bir saty joǵarylap, 35-i orynda tur. Qazir elde COVID-19-dy juqtyrǵandar sany 45 myńnan asty. Al Qazaqstannan bir oryn joǵary turǵan Ýkraında 46 763 adam indetke shaldyqqan.