Astana kúnin merekeleý qarsańynda Almatyda birqatar nysandar iske qosylady. Olardyń arasynda jaıly, joǵary tehnologıalyq «MIPO» JSHS medısınalyq ortalyǵy bar.

Búgingi tańda epıdemıologıalyq jaǵdaıdy turaqtandyrý maqsatynda qala ákimshiligi tarapynan turǵyndarǵa jaqyn mańda ornalasqan medısınalyq qyzmet kórsetý boıynsha qarqyndy jumystar júrgizilýde. «MIPO» medısınalyq ortalyǵy 100 kelýshige arnalǵan, sonymen qatar ońaltýǵa arnalǵan 40 oryn bar. Ortalyqta 80 medısına qyzmetkeri jumys isteıdi, olardyń jumystaryna qajetti jaǵdaılar jasalǵan.

Sońǵy bes jylda Almatydaǵy ambýlatorıalyq-emhanalyq uıymdardyń josparly damý qýattylyǵy 7,4% artty. Sonymen birge, qala halqy osy merzim ishinde 13% -ǵa ósti. Jaqyn mańdaǵy medısınalyq mekemelerdiń kómegine qol jetimdilikti qamtamasyz etý úshin geografıalyq aqparattyq júıe jasalyp, engizilgen. Alynǵan málimetter negizinde dárigerlik ambýlatorıalardy ashý qajettiligi bar jerler anyqtaldy. 2019 jyldan 2021 jylǵa deıin 35 dárigerlik ambýlatorıa ashý jospary jasaldy. 2019 jyly 11 dárigerlik ambýlatorıa ashyldy (1-ýi jergilikti búdjet esebinen salyndy).

Sondaı-aq, «Jańa Almaty» keshendi jospary aıasynda aldaǵy 5 jyl ishinde 1 mıllıonnan astam turǵynǵa arnalyp jaqyn mańda qoljetimdi bolatyn qosymsha 19 medısınalyq nysan salynady.