Juqtyrý qaýpi joǵary nysandardyń qyzmetine shekteý engizildi. Naýryzbaı aýdanynyń turǵyndaryn karantın rejımin saqtaýǵa shaqyrady.

Naýrazbaı aýdanynyń ákimdiginde epıdemıologıalyq jaǵdaıdy turaqtandyrý boıynsha qatań shekteý sharalary kezinde qandaı nysandardyń qyzmeti toqtaıtyny týraly aıtty.

Naýryzbaı aýdanynda aǵymdaǵy jyldyń 5 shildesinen 20 shildege deıingi merzimde juqtyrý qaýpi joǵary nysandardyń qyzmetine shekteý engizildi. Barlyq SÚ, bazarlar, sýpermarketter, fıtnes ortalyqtardyń qyzmeti toqtaıdy. Dámhanalar men meıramhanalarda tek jazǵy alańdar jumys isteıdi, onyń ózinde áleýmettik qashyqtyq saqtalyp, sanıtarlyq-epıdemıologıalyq talap oryndalýy kerek. Sonymen birge, sulýlyq salondarynyń, saýnalar men monshalardyń, baseınder men basqa da qoǵamdyq oryndardyń jumysy toqtatylady.

Naýryzbaı aýdanynda barlyǵy úsh bazar (Barlyq, Taýsamaly, Aqbulaq), eki saýda úıi (Eıkos, Glomart), toǵyz sýpermarket (Asqar, Bereke, Bekker jáne basqalary) jáne alty fıtnes ortalyq (Taýfıt, Yfit jáne basqalary) bar. Sonymen birge aýdanda 43 sulýlyq salony, 14 saýna, 22 monsha, tórt baseın bar.
Qalalyq qoǵamdyq kólik, sonymen birge, qala mańyndaǵy avtobýs baǵyttaryn jumystaryn jolaýshylar sanyn 50%-dan asyrmaý jaǵdaıynda jumys isteıdi.

Qyzmetteri toqtatylǵan barlyq nysandarda sanıtarlyq-profılaktıkalyq jáne sanıtarlyq epıdemıaǵa qarsy sharalar júrgiziledi.

Naýryzbaı aýdanynyń polısıa qyzmetkerleri tarapynan adamdar kóp jınalatyn oryndarda engizilgen shekteý sharalarynyń oryndalýy boıynsha patrúldeý kúsheıtiledi. Karantın rejımi men sanıtarlyq-epıdemıologıalyq talaptardy buzǵany úshin ákimshilik jaýapkershilik qarastyrylǵan.

Aýdan ákimdiginde turǵyndardy qala boıynsha qozǵalysty shekteýge, karantın rejımin qatań ustanyp, áleýmettik qashyqtyq pen maska rejımin saqtaýǵa shaqyrýda.