Qazaqstannyń memlekettik bas sanıtar dárigeriniń 3 shildedegi №44 qaýlysyna sáıkes búgin,  8 shildeden bastap Atyraý stansıasy boıynsha jolaýshylar poıyzdary men tikeleı qatynaıtyn vagondardyń kelýi men jóneltilýi ýaqytsha toqtatyldy. Bul týraly jolaýshylar tasymaly aksıonerlik qoǵamy habarlady.

Qaýlyǵa sáıkes, tómendegi baǵyttardyń qozǵalysy toqtatylǵan.

– №41/42 "Atyraý – Almaty-1" Atyraýdan jóneltiletin 09/07-20, Almatydan-1 keletin/jóneltiletin 11/07-20, Atyraýǵa keletin 13/07-20;

– 313/314 "Atyraý – Mańǵystaý" Atyraýdan jóneltiletin 08/07-20, Mańǵystaýdan keletin/jóneltiletin 09/07-20, Atyraý qalasynan jóneltiletin 10/07-20; 

– № 692/691 "Aqtóbe – Atyraý" poıyzy Aqtóbe qalasynan  jóneltiletin 07/07-20, Atyraýdan keletin/jóneltiletin 08/07-20, Aqtóbege  keletin 09/07-20;

– 05/07-20 bastap Almatydan jóneltiletin, 08/07-20 bastap Qulsaryǵa keletin/jóneltiletin, 11/07-20 bastap Almatyǵa keletin №77/78 "Almaty-2 – Mańǵystaý" jáne №313/314 "Atyraý – Mańǵystaý" jolaýshylar poıyzdarynyń quramynda tikeleı qatynaıtyn "Almaty-2 – Qulsary" vagondary.

Atalǵan poıyzdarǵa alynyp qoıylǵan bıletter quaıtarylady, qarajat ustap qalýsyz tolyq kólemde beriledi.

Jolaýshylar poıyzdarynyń qozǵalys kestesi boıynsha barlyq anyqtamalyq aqparatty "105" nómiri boıynsha bilýge bolady.