Reseıge eskertý úshin Ulybrıtanıa Arktıkaǵa "ańshy-kıller" ıadrolyq sý asty kemelerin jiberdi. NATO-nyń "Dynamic Mongoose" dep atalatyn operasıasyna Ulybrıtanıanyń koróldik áskerı-teńiz kúshteriniń ıadrolyq sý asty kemesi jáne AQSH, Fransıa, Norvegıa, Germanıanyń sý asty kemeleri, oǵan qosa, sý ústi áskerı kemeleri men ushaqtary qatysqan. Bul týraly Qamshy tilshisi amerıkalyq usadailyexpress.com basylymyna silteme jasap habarlaıdy.

Basylymnyń jazýynsha, Reseı qarýly kúshteriniń sý astyndaǵy belsendiligi sońǵy aılarda kúrt artyp, Soltústik flotqa kóptegen soǵys kemeleri qosylǵan. Koronavırýstyq pandemıa kezinde Máskeý Arktıkalyq aımaqtaǵy jattyǵýlardy arttyryp, kórshi memleketterge áskerı manevrler arqyly ses kórsetken. NATO operasıasy Reseı áskerı jattyǵýlaryna eskertý retinde bolyp jatqanyn jazdy amerıkalyq BAQ. 

Osyǵan baılanysty "Warships International Fleet Review" basylymynyń redaktory Iaın Balante NATO-nyń áreketin "Reseı qarýly kúshterine eń jaqsy soqqy" dep sıpattaǵan.

– Bul Ulybrıtanıa men onyń NATO-daǵy odaqtastarynyń ondaǵan jyldar ishindegi Pýtınge alǵash ret joldaǵan qatań eskertýi. Bul operasıa Reseı shabýylynyń damýyn jáne olardyń balıstıkalyq súńgýir qaıyqtaryn qadaǵalaıdy,– deıdi Balante.