QR Prezıdenti janyndaǵy Ulttyq qoǵamdyq senim keńesiniń múshesi Aýyt Muhıbek Memleket basshysynyń úndeýine qatysty áleýmettik jelidegi paraqshasynda óz pikirin bildirdi.
– Prezıdent úndeýin tyńdap otyrdym. Júrek qatty syzdap aýyryp turǵanda, qaraly kún jarıalaǵany jaqsy boldy dep esepteımin. Bul qaraly otbasylardyń kóńiline medeý. Sebebi, "óli razy bolmaı, tiri baıymaıdy" degen Uly sóz bar qazaqta. Al ákimder men mınıstrler mindetti túrde ketken qatelikke jaýap berý kerek! Prezıdent bul týraly qadap turyp aıtty. Aýrý bastalǵanda maska bolǵan joq. Bárin shetelge satyp jibergen. Dárigerlerdiń qorǵaný kıimi tapshy boldy. Bary sapasyz boldy. Biz dárigerlerdi jaýǵa myltyqsyz aıdap salǵandaı boldyq. Kóbi indet juqtyrdy, – deıdi Aýyt Muhıbek.
Ol úsh depýtatqa habarlasyp, aýyldardan betperde men qorǵaný kıimin tigetin shaǵyn sehtar ashýdy Májilistiń tórinen kóterýin suraǵanyn aıtty.
– Qujat jıýdy qoıa tursyn. Kerek bolsa, ákimdik ózi jasap bersin qujattaryn dep. Aqsha shetke etpeıdi, ontandyq ónim ónedi. Úkimet tapsyrys berip, ónimdi satyp alsyn dedim. Nátıje bolmady. Meniń de sol depýtattardan esep alǵym kelip otyr. Endi, dári-dármekke kelsek, menshe elimizde dári-dármek joq emes, bar. Toıymsyz qorqaýlar qoldan tapshylyq jasap, aqsha taýyp qalýdy kózdep otyr dep oılaımyn. Taǵy bir oıym, ádeıi osylaı istep, halyq pen bılik arasyn ýshyqtyrýshylar da bar ma dep kúdiktenem, – deıdi qoǵam belsendisi.
Ol Prezıdent Qasym-Jomart Kemeluly toıymsyzdarmen kúresti bastaǵanyn, endi halyq ta úles qosý kerek dep otyr.
Pikir qaldyrý