Qazaqstan densaýlyq saqtaý mınıstrliginiń 8 shildedegi deregi boıynsha, sońǵy táýlikte elde 1962 adamnan koronavırýs tabyldy. Elde buǵan deıin bir kúnde dál munsha adamnan COVID-19 anyqtalmaǵan.
Sońǵy táýlikte 658 turǵynynan koronavırýs tabylǵan Atyraý oblysy vırýs juqtyrǵandar sany boıynsha óńirler arasynda kósh bastady. Bul oblysta indetke shaldyqqandar sany 6814-ke jetti.
Sońǵy resmı aqparatqa saı, Qazaqstanda koronavırýs juqtyrǵandar sany – 53021. Osy ýaqytqa deıin olardyń 35137-i aýrýynan aıyǵyp, 264-i kóz jumdy.
Densaýlyq saqtaý mınıstrligi sońǵy eki táýlikte ólgender týraly málimet taratqan joq.
Qazaqstan vırýs juqtyrǵandar sany boıynsha álem elderiniń arasynda 32-orynda tur.
Pikir qaldyrý