"Nemis depýtaty eýropalyq azamattardyń bostandyǵyn buzǵany úshin jáne eýropalyq murattarǵa opasyzdyq jasaǵany úshin Angela Merkeldi aıyptady" dep jazdy anglıalyq Financial Press basylymy. Bul týraly Qamshy tilshisi habarlaıdy.

Nemis depýtaty Djorg Meıten Eýropalyq Odaqtyń plenarlyq otyrysy kezinde Ispanıa men Italıa azamattary ortasha eseppen Germanıa azamattarynan aýqatty ómir súretinin málimdep, Germanıa kansleri Angela Merkeldi synaǵan.

Meıten "bul seniń aqshań emes, bul salyq tóleýshilerdiń aqshasy, aqshany tóleıtin solar. Bul sosıalısik ıdeologıadan týyndaǵan. Bizdiń bostandyqtarymyz taptalyp jatyr, al siz Germanıa birlikti kórsetýge daıyn dep otyrsyz" dep aıyptaǵan.

– Nemisterdiń ortasha baılyǵy ıspanıalyqtardan nemese fransýzdardan tómen ekenin bilesiz be? Basqa elderge qaraǵanda Germanıada adamdar ózderiniń zeınetaqylaryn keıinirek alatynyn bilesiz be? Sonymen, sizder qandaı birlikti kórip tursyzdar, Merkel hanym?, – dedi depýtat.

Ótken aıda Djorg Meıten Eýropalyq Parlamenttiń jalpy otyrysynda Eýropalyq komısıanyń "qutqarý josparyna" qarsy shyqqan.

Meıten Eýropalyq Odaqtyń qalpyna keltirý paketin bos sóz dep sanaıdy. Ol Avstrıa, Nıderlandy, Danıa jáne Shvesıany "Ońtústik Eýropany qutqarýǵa" kelispegeni úshin maqtady.

Nemis depýtatynyń sózinshe, kansler Merkel eshqandaı kornaoblıgasıalar nemese eýrooblıgasıalary bolmaıtynyn aıtqan kezde jaǵdaı óte túsinikti bolǵan.

– Biraq qazir bizde 5 mıllıon eýro kóleminde granttar beretin qalpyna keltirý qory boldy... Bizde Eýropalyq Komısıa atynan bul aqshany tıisti zańdy negizsiz qarjylandyratyn salyq tóleýshiler bar... Bul eshkimdi mazalamaıtyn sıaqty. Sizdiń Komısıańyzdyń prezıdenti bul sandyraqty qoldaıtynyn jáne bul aqsha jetkiliksiz ekenin aıtsa, siz 500 mıllıon eýro qajet dep otyrsyz. Aıtýǵa ruqsat etińiz, bul múldem durys emes, bul sandyraq... Bul EO azamattary úshin tóleýge týra keletin qymbat baǵa. Sondyqtan siz salyq tóleýshilerdiń aqshasymen erteńgi kúnińiz joq sıaqty jumsaǵaly otyrsyz. Bul jerde eshqandaı jaýapkershilik nemese ekonomıkalyq maǵyna joq. Bul shyǵyndar men salyqtar turǵysynan maǵynasy joq. Biz munda úlken aqsha fıgýralary týraly aıtyp otyrmyz jáne "birlik úshin" degen atty jamylǵan ekijúzdilik. Biz Avstrıa, Nıderlandy, Danıa jáne Shvesıanyń bári bul sandyraqqa kelisýden bas tartqanyn kórdik,– degen Djorg Meıten.