Memleket basshysy Qasym-Jomart Toqaev karantın rejımin buzǵandar jaýapqa tartylady dep Úkimettiń keńeıtilgen otyrysynda aıtty.

– İndetke qarsy kúres karantın sharalary qatań saqtalǵan kezde ǵana nátıjeli bolady. Muny sheteldiń tájirıbesinen kórip otyrmyz. Al bizdiń elimizde qoǵamdyq tártip edáýir aqsap tur. Polısıa jáne sanıtarlyq dárigerler karantın rejıminiń qatań saqtalýyn qamtamasyz etýi kerek. Bul halyqtyń densaýlyǵy men azamattarymyzdyń qaýipsizdigi úshin asa qajet. Karantın rejımin buzǵandar jaýapqa tartylady. Sebebi olar tek óziniń ǵana emes, ózgelerdiń de densaýlyǵyna qaýip tóndiredi. Salǵyrttyqqa, beıqamdyqqa jol bermeý kerek, – dedi prezıdent.

Aıta keteıik úkimet otyrysynda Toqaev pandemıamen kúres barysynda shuǵyl máselelerdi sheshý úshin Úkimetten jáne óńirlerden 150 mıllıard teńge bólinetinin atap ótti.