Prezıdent Qasym-Jomart Toqaev pandemıa ýaqytynda ákimderdiń kópshiligi jumysyn tıisti deńgeıde atqarmaǵanyn jáne úkimettiń baqylaý júrgizbegenin atap aıtty.

– Kelesi mańyzdy mindet–tolyqqandy medısınalyq kómek kórsetý jáne asa qajetti dári-dármekterdi qoljetimdi etý. Densaýlyq saqtaý mınıstrligi basqarý isinde birqatar óreskel qatelikter jiberdi. Ákimderdiń kópshiligi jumysyn tıisti deńgeıde atqarǵan joq.Úkimet te baqylamady. 

Úkimettiń jáne ákimderdiń qabyldanǵan sharalardy túsindirýinde olqylyqtar bar. Olardyń qoǵam pikirimen tıisti deńgeıde jumys isteı almaı otyrǵany baıqaldy.

Jiberilgen qatelikter men olqylyqtardy anyqtaıtyn arnaıy komısıa qurý qajet. Bul komısıa qazirgi ortaq jumysqa kedergi jasamaı, tekseris júrgizip, maǵan usynys berýi kerek.

Biz qazir dárilerdiń jetispeýshiligi men onyń baǵasyn qoldan qymbattatý máselesin sheshýge májbúr bolyp otyrmyz. Bul jaǵdaıdy tez arada rettep, barlyq óńirdi dári-dármekpen qamtamasyz etý kerek. Jumys júrgizilýde. Endi nátıje kerek.

İndet kezinde osyndaı jolmen paıda tapqysy kelgenderdi qatań jaýapqa tartý qajet. Meniń tapsyrmamnan keıin bul baǵytta jumys bastalyp ketti. Ony sońyna deıin jetkizý kerek. Sebebi bul – túptep kelgende, ulttyq qaýipsizdik máselesi, – dedi Prezıdent úkimettiń keńeıtilgen otyrysynda.