Úkimettiń keıtilgen otyrysynda prezıdent daǵdaryspen kúreske bólingen qarjynyń jumsalýy tekserilip, búdjet shyǵyndary qysqaratyny týraly aıtty.

– Úkimet Esep komıtetimen birlesip 15 qazanǵa deıin daǵdaryspen kúresý úshin bólingen qarajatty jumsaýdyń tıimdiligine taldaý jasaýy qajet. Taldaý óńirler men ortalyq memlekettik organdar ereksheligin eskere otyryp jasalýy kerek. Onda árbir mınıstr men ákim boıynsha qorytyndy tujyrymdar bolýǵa tıis, –  dedi Toqaev.

Prezıdent sondaı-aq búdjet turaqtylyǵyn qamtamasyz etý, eń birinshi, tıimsiz shyǵyndardy qysqartýdan bastalýy kerektigin aıtty.

– 2021 jylǵa arnalǵan búdjet shyǵyndaryn ońtaılandyrý jumystary bastaldy. Osy maqsatta 1,6 trln teńgeni qysqartý josparlanyp otyr. Qazirgi jaǵdaıda bul nashar kórsetkish emes, –  dep atap ótti prezıdent.