Medısına ǵylymdarynyń kandıdaty, dosent Nurıla Maltabarova koronavırýs anyqtalǵan jaǵdaıda dári-dármekti belgili bir tártip boıynsha ishý kerektigin aıtty.

"Koronavırýs indeti 3 kezeńnen turady.

Birinshi kezeń – ıntoksıkasıalyq kezeń. Naýqastyń dene qyzýy 38 gradýstan 40-qa deıin kóterilýi múmkin. Álsizdik pen terleý bastalady. Osy kezeń bir aptaǵa sozylady. Osy kezeńde eshqandaı dári-dármekti ishpegen abzal. Dene qyzýy 38 gradýstan artsa ǵana, ony tómendetetin dári qoldanylady. Basqa eshbir dári qoldanylmaıdy.

Ekinshi kezeń 3-4 aptaǵa sozylady. Bul respıratorlyq sındrom dep atalady. Dene qyzýy kóterilgen soń, qurǵaq jótel paıda bolyp, entikpe bastalyp, býyndar syrqyraı bastaıdy. Osy kezde taldaý synamasynyń nátıjesi boıynsha dáriger antıbakterıalyq dári-dármekti jazyp berýi múmkin. Basqa eshbir dári qoldanylmaıdy.

Úshinshi kezeńde, ıaǵnı ońalý kezinde organızmdi qalpyna keltirý jattyǵýlaryn jasaýǵa bolady" delingen ǵalym keńesteri jarıalanǵan coronavirus2020 teregram-kanalyndaǵy habarlamada.