Aıtysker aqyn Aınur Tursynbaeva prezıdent Qasym-Jomart Toqaevqa áleýmettik jelidegi paraqshasy arqyly úndeý joldap, sanaýly saǵat ishinde halyqtyń jan-aı̆qaı̆y prezıdentke jetip, másele oń sheshimin tapty dep habarlady.
Eske sala keteıik Aınur Tursynbaeva óziniń instagram paraqshasy arqyly Qazaqstan prezıdenti Qasym-Jomart Toqaevqa, densaýlyq saqtaý mınıstri Alekseı̆ Soı̆ǵa, qorǵanys mınıstri Nurlan Ermekbaevqa úndeý joldaǵan.
Aqyn bıliktegilerden Túrkıadan satyp alynǵaly otyrǵan tynys alý apparattaryn jetkizýge járdemdesýdi suraǵan bolatyn.
– Qurmetti meniń oqyrmandarym! Sanaýly saǵat ishinde bizdiń janaı̆qaı̆ymyz prezıdentimiz Qasym-Jomart Toqaevqa deı̆in jetip, másele oń sheshimin tapty. Halyqtan jınalǵan aqshaǵa alynǵan ottegi apparattaryn ózimiz taratatyn boldyq.
Bizdiń áleýmettik jelige jarıalaǵan postqa únsiz qalmaı̆, birden máseleni sheshýge kómektesken memleket basshysynyń baspasóz hatshysy Berik Ýálıge, prezıdent keńesshisi Tamara Dúı̆senovaǵa, densaýlyq saqtaý mınıstri Alekseı Soıǵa, senat depýtaty Dana Nurjigitke, prezıdent apparatyna, kásipker Qaırat Qudaıbergenge, qoǵam belsendisi Dınara Sátjanǵa alǵysymyzdy bildiremiz.
Al eń úlken alǵys - Alladan keı̆ingi ekinshi esim halyqqa alǵysymyz zor! Sizder bolmasańyzdar, sizder qoldamasańyzdar bul másele múldem sheshilmeı̆tin edi. Eki-úsh adamnyń jan-aı̆qaı̆y jetpeı̆tin edi. taǵy bir qýanyshty jańalyq - elge 125 emes, 225 apparat jetkizetin boldyq. Qorǵa taǵy da aqsha túsýde. Tipti, aqsha jetip jatsa, 500 jiberýge múmkindik týdy, – dep jazdy Tursynbaeva.
Pikir qaldyrý