42500 teńge áleýmettik tólemge 17 shildeden bastap ótinim berýge bolady. Bul týraly eńbek jáne halyqty áleýmettik qorǵaý mınıstri Birjan Nurymbetov ortalyq komýnıkasıalar qyzmetinde ótken brıfıńte aıtty.

Memlekettik áleýmettik saqtandyrý qorynan

– Áleýmettik tólem karantın kezindegideı qaǵıdattar boıynsha memlekettik áleýmettik saqtandyrý qorynan tólenedi. Biz tólemdi taǵaıyndaýdyń erejelerin jasap, aldaǵy beısenbide jarıalaımyz. 17 shildeden bastap 42500 teńgege ótinim berýge bolady. Ótinim qabyldaıtyn 42500.enbek.kz, e.gov portaly jáne telegram-bot juma kúni iske qosylady. Sondaı-aq Halyk bank pen Kaspi bank ózderiniń platformasynda jańa portaldardy iske qosýǵa nıet bildirip otyr. Ony pysyqtaımyz. Aldaǵy ýaqytta qosymsha habarlaımyz, – dedi mınıstr.

Mınıstr áleýmettik tólem tabysynan aıyrylǵan jaldamaly qyzmetkerlerge, jeke kásipkerlerge, ózin-ózi jumyspen qamtýshylarǵa taǵaıyndalatynyn aıtty.

Jaldamaly qyzmetkerler úshin ótinimdi jumys berýshi beredi. Qalǵan sanattaǵylar ótinimdi ózderi ótkizedi. Úkimet áleýmettik tólemdi ótken eki aıda 42500 teńge alǵandarǵa avtomatty túrde taǵaıyndamaıdy. Ár ótinim jeke qaralady.

Ózin-ózi jumyspen qamtýshylarǵa biryńǵaı jıyntyq tólem tóleý mindetti emes.

Keshe Qazaqstan prezıdenti Qasym-Jomart Toqaev epıdemıologıalyq ahýalǵa baılanysty elde karantın rejımi taǵy eki aptaǵa sozylatynyn aıtyp, muqtaj azamattarǵa 42500 teńge tólenetinin aıtqan.

♦ Oqı otyryńyz: "Jyrtyq jamaýǵa kelmeıdi". 42500 teńge halyqtyń keregine jete me?