Qazaqstanda osy ýaqytqa deıin 51 medısına qyzmetkeri koronavırýstan kóz jumdy. Bul aqparatty búgin ortalyq komýnıkasıalar qyzmetinde ótken brıfıńte densaýlyq saqtaý mınıstrligine qarasty taýarlar men kórsetiletin qyzmetterdiń sapasy men qaýipsizdigin baqylaý komıtetiniń ókili Tımýr Sultanǵazıev aıtty. 

– Bizdiń málimetimiz boıynsha, 51 medısına qyzmetkeri qaıtys boldy. Olardyń týystary men jaqyndaryna kóńil aıtamyz. Memleket basshysy 13 shildede qaza bolǵandardyń barlyǵyn memlekettik nagradalarmen marapattady, 42 medısına qyzmetkeri marapatqa ıe boldy, – dedi Sultanǵazıev.

Buǵan deıin prezıdent Qasym-Jomart Toqaev koronavırýs pen pnevmonıadan qaıtys bolǵan 42 medısına qyzmetkerin ólgen soń marapattaǵan.

Sońǵy resmı aqparatqa saı, elde vırýs juqtyrǵandar 65 myńnan asty, 375 adam kóz jumdy.