Úndistannyń Kashmır qalasynyń 55 jastaǵy turǵyny jumysqa bara jatqanda aıýdyń shabýylyna ushyrap, aýyr jaraqat alǵan. Bul týraly The Mirror gezeti habarlady.

Oqıǵa 9 shildede ortalyq Kashmırdegi Býdgam aýdanyndaǵy Shoplıan Hag aımaǵynda bolǵan. Gýlam Kadır Sheıh esimdi adamnyń Kashmırdegi Shoplán-Hag turǵyny ekeni anyqtalǵan.

Ol úıinen shyǵyp, jumysyna kele jatqanda, aıý shabýyl jasap, aýyr jaraqat alǵan.

Vıdeodan Gýlamnyń aıýdan qutylýǵa tyrysqanyn kórýge bolady, ol aıýdy julqylap, qashyp ketýge tyrysqan. Zardap shegýshige taǵy bir adamnyń kómektesip, aıýdy taıaqpen urǵany da baıqalady.

Gýlam jaqyn mańdaǵy aýrýhanaǵa jetkizilgen, sodan keıin ári qaraı kúrdeli emdeý úshin Srınagardaǵy aýrýhanaǵa jiberilgen.

Ótken aptada Italıada da osyndaı oqıǵa bolǵan. Eki saıahatshy aıýdyń shabýylyna ushyraǵannan keıin, aıý ólim jazasyna kesilgen.