Almatydaǵy ortalyq qalalyq klınıkalyq aýrýhana dárigerleri ókpesi 100 paıyz zaqymdanǵan naýqastardy aman alyp qaldy. Bul týraly Almaty.tv habarlady.

Telearnanyń habarlaýynsha, aýrýhananyń reanımasıa bólimine kúnine 5-6 naýqas aýyr jaǵdaıda túsip jatyr. Qazir aýrýhananyń jansaqtaý bóliminde 16 naýqas jatyr. Olar ókpeni jasandy jeldetý apparatyna qosylyp, vırýsqa qarsy dári-dármektermen qamtamasyz etilgen. Sondaı-aq naýqastarǵa qandy suıyltýǵa arnalǵan preparattar berilip, antıbakterıaldy em kórsetilip jatyr. 

Aýrýhananyń jansaqtaý bóliminde jumys isteıtin reanımatolog Aıjan Sherızatqyzynyń aıtýynsha, dárigerler ókpesi 100 paıyz zaqymdanǵan 44 jastaǵy er adamnyń ómirin aman alyp qalǵan. Naýqasty bir aptanyń ishinde reanımasıadan palataǵa aýystyrǵan.

– Ol naýqas birden ókpeniń jasandy ventılásıasyna aýystyryldy. Túrli em qabyldady. Bul biz úshin óte aýyr. Úıge barmaǵaly 2 jarym aı boldy. Mamyr aıynyn beri osy koronavırýs aýrýymen kúresýdemiz. Naýqastardy emdep, olardy osy qıyn jaǵdaıdan shyǵaryp, úıine shyǵarý bizdiń maqsatymyz, – dedi ortalyq qalalyq klınıkalyq aýrýhananyń jansaqtaý bóliminiń meńgerýshisi Aıjan Aıtbaeva.