Prezıdent Qasym-Jomart Toqaev Úkimetke pandemıanyń statısıkasyn birizdendirý mindettelgenin habarlady. Bul týraly ol Twitter paraqshasynda jazdy. 

"Úkimetke pandemıanyń statısıkasyn birizdendirý mindetteldi. Azamattardyń densaýlyǵy men ómirine koronavırýstan bólek, ókpe qabynýy da úlken zardabyn tıgizip otyr" delingen prezıdent jazbasynda.

Sonymen qatar eldegi pandemıa ahýaly týraly qoǵam barlyǵyn bilýi tıis ekenin atap ótti.

"Pandemıa ahýaly týraly barlyq aqparat qansha jerden ashshy bolsa da, ony qoǵam bilýge tıis. Jarıalylyq pen ózara senim bolǵanda ǵana, biz birlese otyryp bul indetti tezirek jeńemiz" dedi Qasym-Jomart Kemeluly.

Sońǵy resmı aqparatqa sáıkes, elde koronavırýsqa shaldyqqandar sany 66 895 adamǵa jetip otyr. Osy ýaqytqa deıin olardyń 39 066-y aýrýynan jazylyp shyqty. Al 375 adam indetten kóz jumdy.