700 myń qazaqstandyq «42 500 teńge» tólemdi praktıvti taǵaıyndaý úshin SMS-habarlama aldy. Bul týraly Eńbek jáne halyqty áleýmettik qorǵaý mınıstrligi habarlady.

Budan buryn, Memleket basshysynyń tapsyrmasy boıynsha 2020 jyldyń shildesinde karantın sharalarynyń engizilýine baılanysty jumys isteıtin qazaqstandyqtarǵa tabysy tolyq joǵalǵan jaǵdaıda eń tómengi jalaqy – 42 500 teńge mólsherinde bir jolǵy tólemaqy beriletinin habarlaǵan.

Osydan bir kún buryn, Eńbek jáne halyqty áleýmettik qorǵaý mınıstri Birjan Nurymbetov tótenshe jaǵdaı kezinde tólem alǵan azamattarǵa, olardyń qyzmeti aǵymdaǵy jyldyń shilde aıynda shekteýlerge ushyraýy ábden múmkin ekenin, sondyqtan tólemdi proaktıvti taǵaıyndaý úshin kiristi joǵaltý faktisin rastaıtyn SMS-habarlama jiberiletinin aıtty.

– Biz tólemderdi proaktıvti formatta taǵaıyndaýdy qarastyramyz. Qyzmet shektelgen bolsa, sońǵy ret tólem alǵan azamattardan SMS arqyly tabysyn joǵaltý faktisin rastaýdy suraımyz. Oń jaýap pen proaktıvti túrde taǵaıyndaýǵa kelisim bolǵan jaǵdaıda, tólemder ótinishsiz taǵaıyndalady. Olardyń portaldarǵa ótinish berýiniń qajeti joq, olar óz mártebesin odan ári qadaǵalaı alady, – dedi mınıstr.

Sondaı-aq, Birjan Nurymbetov tólemderdi taǵaıyndaý úshin ótinishterdi qabyldaý aǵymdaǵy jyldyń 17 shildesinde bastalatynyn habarlady. 

42 500-ge kelesi arnalardy paıdalana otyryp, ótinish berýge bolady:

•  egov.kz «elektrondyq úkimettiń» veb-portaly;
• 42500.enbek.kz portaly;
• «Elektrondyq úkimet» telegram-bot-y;
• Aitu messendjerinde42500.enbek.kz qosymshasy;
• ekinshi deńgeıdegi bankterdiń mobıldi qosymshalary men ınternet-resýrstary arqyly.

Ótinimderdi qabyldaý 2020 jyldyń 1 qyrkúıegine deıin jalǵasady.