Tramp júz mıllıonǵa jýyq qytaı azamatyna sanksıa salmaq. Sanksıaǵa Qytaı komýnıstik partıasynyń joǵary laýazymdy tulǵalarynan bastap, olardyń balalary, otbasy músheleri, tipti, bıznes ókilderi jáne ondaǵan mıllıon qytaı azamaty enýi múmkin. Bul týraly Qamshy tilshisi Nú-Iork Taıms gazetine silteme jasap habarlaıdy.

Tramp ákimshiligi Qytaı Komýnıstik partıasynyń (QKP) laýazymdy músheleri men olardyń otbasy múshelerine AQSH-qa saparlaýǵa tyıym salýdy qarastyrýda, – dep habarlaǵan Aq úıge jaqyn aqparat kózderi.

Aq úıdiń baspasóz hatshysy Kaılı Mak Enanı jýrnalıserge AQSH Qytaıǵa qatysty barlyq nusqalardy qarastyratynyn málimdegen.

Qytaı basshysy Sı Szınpın basqarǵan komýnıstik partıada 92 mıllıonnan astam múshe bar. Partıaǵa Qytaı bıliginiń quzar shyńyndaǵy adamdar men ádettegi qyzmetkerler múshe bolǵan. Al bul sanksıa – Qytaı qoǵamynyń úlken bóligin ustaıtyn 92 mıllıonnan artyq adamǵa, tipti, Beıjiń komýnıseriniń otbasy múshelerin qosa eseptegende, júz mıllıonnan astam adamǵa tyıym salý bolyp sanalady. 

Aqparatty alǵash bolyp jarıalaǵan Nú-Iork Taımstyń pikirtalastary boıynsha, bul Vashıngtonnyń Beıjińmen aradaǵy arazdyqtyń eń qatań áreketteriniń biri bolýy múmkin. Keıbir sarapshylar júzdegen mıllıon qytaıǵa vıza berýden bas tartý týraly sheshim bar ekenin aıtsa, keıbiri muny "jańa qyrǵı-qabaq soǵysynyń bastalýy" dep túsindirýde. 

– Mundaı sanksıa júzege asyrylsa, Qytaı Komýnıstik partıasynyń eń joǵary deńgeıinen bastap ártúrli deńgeıine deıin soqqy beriledi, – deıdi Reuters agenttigi.

Agenttiktiń jazýynsha, buǵan tek qana dıplomattar ǵana emes, sonymen birge bıznes-menedjerler de kiredi.

– AQSH-tyń kóptegen agenttikterindegi sheneýnikter Komýnıstik partıa músheleri balalarynyń Amerıka ýnıversıtetterinde oqýyna tyıym salý týraly máseleni qarastyratyn proseske qatysady,–deıdi talqylaý týraly aqparat taratqan derekkózder.

Mundaı tyıymnyń qalaı talqylanyp jatqany Tramptyń kómekshileri bárin daıyndaǵan kezde jarıalanýy múmkin. Sebebi Qytaıǵa qarsy qatań taqyryptardy Tramp óziniń qarasha aıyndaǵy qaıta saılaý naýqanyna baǵyttaıdy.

Tramp pen prezıdenttikten úmitker demokrat Djo Baıden ekeýi Qytaıǵa qarsy qatań saıasattan bir-birinen asyp túsý úshin básekege túsýde.