Prezıdent Toqaev koronavırýs indetiniń taralý ahýaly jónindegi vedomstvoaralyq komısıanyń otyrysynda memlekettik organdardyń tarapynan úılestirý jumystary durys júrgizilmegendikten, halyq máseleni óz betimen sheshýge talpynyp jatqanyn aıtty.

– Memlekettik organdardyń tarapynan úılestirý jumystary durys júrgizilmegendikten, halyq bul máseleni óz betimen sheshýge talpynýda. Bul eshqandaı qısynǵa saı kelmeıdi! Azamattar óndiristik balondarǵa quıylǵan ottegi satyp alyp jatyr. Bul aýrýhanalardyń tikeleı mindeti. Jeke úıler men páterlerde óndiristik balondaryndaǵy ottegini paıdalaný derekteri anyqtalǵan. Úkimet pen ákimder bes kún ishinde aýrýhanalardy ottegimen qamtamasyz etý jáne úı jaǵdaıynda ottegi balondaryn paıdalaný problemalaryn sheshýi kerek, – dedi memleket basshysy.