Almatydaǵy ortalyq klınıkalyq aýrýhananyń neırohırýrgıa bólimi meńgerýshisi Myńjylqy Berdiqojaev Azattyqqa bergen suhbatynda koronavırýs pen pnevmonıany qosa eseptegende 500 myńdaı adamnyń vırýs juqtyrǵanyn aıtty.

"Qazir koronavırýs, pnevmonıa bárin qosqanda shamamen 500 myńdaı adam [vırýs] juqtyrdy. Aýyryp jatyr, aýyryp shyqqany bar. Úıden emdeldim, emdelip jatyrmyn degendi kóp estımiz. Dárini jappaı satyp aldy. Resmı 150-200 myń degen sandy senimdi túrde úshke kóbeıte berýge bolady. Kúzde birneshe mıllıonǵa barýy múmkin. Densaýlyq saqtaý mınıstrligi ınfeksıalyq stasıonardaǵy ókpeni jeldetetin bir myń apparatty alty ese kóbeıtýdi josparlap otyr. Eger bir mezette 100 myń adam aýyrsa, sonyń alty myńy jasandy tynys alý apparatyna muqtaj bolady. "Soǵys jaǵdaıyna" daıyn bolýymyz kerek",- dedi maman.

Sońǵy resmı aqparatqa sáıkes, elde koronavırýs juqtyrǵandar sany 71 838 adamǵa jetip otyr. Osy ýaqytqa deıin olardyń 43 029-y aýrýynan jazylyp shyqty. Al 375 adam indetten kóz jumdy.