Almatyda zırattyń eki qyzmetkeri jerleý jumystary úshin qosymsha 70-80 myń teńge zańsyz talap etken. Bul týraly Polisia.kz habarlady.

Polısıaǵa 8 adam aryzdanyp kelgen. Olardyń aıtýynsha, zırat qyzmetkerleri jerleý jumystary úshin qosymsha 70-80 myń teńge tóleýde talap etken. Qabirshiler túbirtek bermegen. Aqshany zırat kásipornynyń qyzmetkerleri zańsyz paıdalanǵany anyqtaldy.

– Jaqyn adamdarynan aıyrylyp, qaıǵy-qasiretke dýshar bolǵandar tek materıaldyq qana emes, moraldyq turǵyda da zardap shekti. Qabyldanǵan sharalar nátıjesinde polısıa qyzmetkerleri óz is-áreketin moıyndaǵan eki turǵyndy anyqtap, qamaýǵa aldy, – dedi tergeýshiler. 

Qazirgi ýaqytta jábirlenýshiler men kúdiktilerdiń qatysýymen tergeý sharalary júrgizilip jatyr. Osynyń nátıjesinde árbir kináli adamnyń is-áreketine jeke-jeke quqyqtyq baǵa beriledi. Sonymen qatar, jerleý kezinde aqshany zańsyz jınaýdyń aldyn alý úshin basqa da jerleý oryndary tekseriledi.