Biz qazaq basymyzdan talaı qıyn-qystaý kezeńderdi, oqıǵalardy ótkizdik. Qazir jasy toqsanǵa kelip otyrǵan meniń ózim asharshylyqtyń, soǵystyń kýágerimin.

Sol náýbetter kezinde et ja­qyn­darymyzdan aıyryldyq. Tek Ekinshi dúnıejúzilik soǵys­tyń ózinde qanshama qazaq qy­nadaı qyryldy. Biraq bizdiń halyq qandaı aýyr kezeń­derde de adamgershilikti saqtaı bilgenin umytpaýymyz kerek. Óz basyna kún týǵan kezeńder­de de basqalarǵa qol ushyn so­zýdy adamdyq paryz dep esep­tedi. Qazaqtyń ózge ulttarǵa pana bolǵanyn aıtpaı-aq, tek «Le­nıngradtyq órenim» deıtin Jam­byl atamyzdyń áıgili jy­ryn eske túsirsek te jetki­likti. Sol jyrdyń myńdaǵan le­nın­gradtyqqa kúsh bergeni, jubatqany, beıbit ómirge tal­pyndyrǵany kúni keshegideı esimizde.

Otandastarymdy, jalpy ba­ýyrlarymdy osy qa­ýip­ti ári qaterli indet kezin­de sabyr saqtaýǵa shaqy­ra­myn. Eń aldymen jasy úl­ken ata-áje­lerińdi, ba­la-shaǵa­laryń­dy qor­ǵap, olardyń ómir­ine qa­ýip tón­dirmeńder degim ke­ledi. Karan­tın talaptaryn oryndap, tártipke baǵynsaq, shy­dam­dy­lyq tanytsaq, biz kútken jaq­sy kún­der erterek týa­tyny anyq. Iá, ol bizdiń sa­byrymyzǵa, tózim­imizge baılanysty bolyp tur. Basqa túsken qıyndyqty sabyrmen ǵana jeńe­miz. Bul jaǵ­daı tek bizdiń emes, dúnıe­­jú­zi halyqtarynyń basynan ótip jatyr. Sol úshin birin­shi kezekte azamat­tyq qadir-qa­sıetimizge kóleńke túspese eken. Otandastaryma da osyny tileı­­min. Et jaqyndarymyzdy da ba­rynsha qor­ǵaıyq, azamat­ty­ǵymyzdy da joǵalt­paıyq.

Mundaı qıyn-qystaý shaq­ta memle­ketimizdiń basshysy Qasym-Jomart Toqaevtyń tóńi­regine toptasyp, tyǵy­ryq­tan shyǵý joldaryn birlese izdege­nimiz jón dep bilemin.

Tóregeldi SHARMANOV,

Qazaq taǵamtaný akademıasynyń prezıdenti, akademık,

memlekettik syılyqtyń laýreaty