«Kazsınk» JSHS iri taý-ken metalýrgıalyq kompanıasy koronavırýs ınfeksıasymen kúreske 85 mln teńge kóleminde qarajat bóldi

Elimizdiń iri taý-ken metalýrgıalyq kompanıasynyń biri «Kazsınk» JSHS koronavırýspen kúreste qoldaý kórsetýde. Aýrýhanalardaǵy COVID-19 naýqastardy emdeýge kómektesý úshin kompanıa 85 mln teńge bóldi. Bul qarajat Óskemen, Rıdder, Altaı qalalary men Jáırem kentiniń aýrýhanalaryna medısınalyq jabdyq satyp alýǵa jumsaldy.

«Joǵaryda atalǵan qalalar men kentterdiń aýrýhanalarynyń ınfeksıalyq bólimshelerine 120 ottegi konsentratoryn jetkizildi. Onyń ishinde Jáırem kenti aýrýhanasynyń juqpaly aýrýlar bólimine árqaısysy 650 000 teńge turatyn 5 konsentrator jetkizildi. Bul qurylǵylar COVID-19-dan asqynǵan jaǵdaıda, pasıent óz betinshe dem ala almaıtyn kezde ottegi terapıasyn júrgizý úshin qoldanylady. Medısınalyq ottegimen qosymsha jabdyqtaý aýrýmen kúresý múmkindigin arttyrady, regenerasıanyń qarqyndy prosesine yqpal etedi, bul naýqasty aýrýhanada emdeý kezeńin qysqartady», - dep habarlady Qaraǵandy oblysy ákimdiginiń baspasóz qyzmeti.

Budan basqa aýrýhanaǵa: NPPS (Omnımed) zembil, ınfýzıa quıýǵa arnalǵan shtatıv SHR-01 (Omnımed), defıbrıllátor-monıtor DKI N-11 (183260), BeneFusion VP3 ınfýzıalyq sorǵy, kanúlmen 2L ottekti ıngalátor, úlken eresek jınalmaly kólik dońǵalaqtarynyń jıyntyǵy Kshtsv-B-NN, Biopress neılon 50*14 stetoskop BL-ASM-1, reanımasıalyq tynys alý qaby (eresek) apexmed, sanıtarlyq brezent zembilder, sorǵysh «elemena-N am1», Mastersept 5l (qorapta 3 kanıstra, barlyǵy 4 qorap), mastersept 5l (kanıstra) berildi.