Túrkistan oblysy ákiminiń orynbasary Sáken Qalqamanov oblystaǵy Shornaq aýylyndaǵy janjaldan keıin ózge aýyldardan kelgen 80 adamnyń ustalǵanyn habarlady.

"Ótken túnde quqyq qorǵaý organdary Shornaq aýylyna ózge aýyldar men aımaqtardan kelgen 80 jas jigitti ustady. Olar áleýmettik jeli men messendjerler arqyly taraǵan feık shaqyrýǵa dúrligip ketken. Biz Kentaý ákimimen birge túni boıy aýyldy aralap shyqtyq. Turǵyndar túni tynysh ótti" delingen ákim orynbasarynyń facebook-taǵy jazbasynda.

Keshe, Túrkistan oblysy Kentaý qalasyna qarasty Shornaq aýylynda aýyl turǵyndarynyń arasynda tóbeles bolǵany habarlandy. Áleýmettik jeli qoldanýshylary tóbelestiń ultaralyq sıpaty bar ekenin, janjal qazaq-ózbek arasynda bolǵanyn aıtsa, jelgilikti polısıa departamenti taratqan habarlamada "Shornaq aýylynda turmystyq janjal boldy" delingen.

Prezıdent oqıǵaǵa baılanysty ótken jıynda aımaqtaǵy halyqtyń áleýmettik-ekonomıkalyq qajettilikterine nazar aýdarý kerek ekenin aıtyp, janjal qaıtalanady deýge negiz joq ekenin málimdedi.