Qytaı agresıasymen kúresý úshin Úndistan áskerı-teńiz jattyǵýlaryna Avstralıany qatysýǵa shaqyrdy, dep habarlady Daily Mail.

Beıjiń men Nú-Delı arasyndaǵy qarym-qatynas Gımalaı shekarasy boıyndaǵy qandy qaqtyǵystardan keıin shıelenise tústi. Galvan alqabyndaǵy qaqtyǵys kezinde keminde 20 úndi áskerı qyzmetkeri qaza tapqan.

Endi Úndistan Avstralıany Malabar áskerı teńiz jattyǵýlaryna qatysýǵa shaqyryp, komýnıstik elge qarsy kúres júrgizýde.

AQSH, Japonıa jáne Úndistan qatysqan úshjaqty áskerı shara 1992 jyldan beri ótkizilip keledi.

Beıjiń avstralıalyq áskerı kemeler Bengal shyǵanaǵy jattyǵýyna qatysqanyna ashýlanǵannan keıin Úndistan shaqyrýdy keri qaıtaryp alǵan.

Biraq qazir Qytaıdyń aımaqta terıtorıasyn keńeıtýine úreı týýda. Úndi-Tynyq muhıty elderi Beıjińge qarsy turý úshin odaqtas izdeýde.

Avstralıanyń jattyǵýǵa qatysatyny áli rastalmaǵanymen, úndistandyq buqaralyq aqparat quraldary bul ýaqyttyń enshisinde deıdi.

Kanberranyń usynysty oılastyryp jatýy Beıjińniń qıtyǵyna tıdi. Qytaılyq Global Taıms basylymy "bul Beıjińniń qaýipsizdigine qater tóndiredi" dep málimdegen.

– Eger Avstralıa kelesi Malabar jattyǵýlaryna qosylsa, bul AQSH, Japonıa, Avstralıa jáne Úndistan arasyndaǵy beıresmı strategıalyq forým bolmaq, tórtjaqty qaýipsizdik músheleriniń áskerı dıalogy alǵash ret úılestiriledi, – deıdi qytaılyq basylym.

Sońǵy jyldary Kanberra Úndistannyń mıllıardtan astam halqy bar tutyný naryǵyna nazar aýdarǵan jáne bul birlesken jattyǵý kelisimniń kepili bola alady.

"Eki el arasyndaǵy tyǵyz saýda baılanysy Avstralıanyń taý-ken jáne aýylsharýashylyq salalary úshin úlken nátıje ákelýi múmkin" dep habarlady MailOnline.

COVID-19 bastalǵannan bastap, Avstralıa men Qytaıdyń qarym-qatynasy nasharlap ketti jáne Avstralıa premer-mınıstri Skott Morrıson koronavırýstyń bastalýy týraly táýelsiz halyqaralyq zertteý júrgizýge shaqyrǵan.

Beıjiń oǵan jaýap retinde avstralıalyq bıdaı eksportyna tarıfter engizgen jáne Kanberranyń iri sıyr etin jetkizýshilerdiń úsheýin qara tizimge engizgen.