Epıdemıologıalyq jaǵdaıdy turaqtandyrý úshin aldaǵy 14 kúndik shekteýlerdi barynsha tıimdi júrgizý mańyzdy. Bul týraly Almaty qalasynyń ákimi Baqytjan Saǵyntaev Facebook-tegi paraqshasynda jazdy.

«Koronavırýstyń taralýyna jol bermeý jónindegi qalalyq komısıanyń otyrysynda qosymsha shekteý sharalaryn engizýge daıyndyq barysyn talqyladyq. Memlekettik komısıanyń sheshimine sáıkes qyzmeti eki aptaǵa toqtatylatyn kásipkerlik sýbektilerdiń tizimin anyqtaımyz. Al qyzmetin jalǵastyratyn mekemeler úshin sanıtarlyq qaýipsizdik boıynsha qatań erejeler belgilenbek»,– dep jazdy ákim.

Sonymen qatar, ol epıdemıologıalyq jaǵdaıdy turaqtandyrý úshin aldaǵy 14 kúndik shekteýlerdi barynsha tıimdi júrgizý mańyzdy ekenin atap ótti.

«Syrqattaný men aýrýhanaǵa jatqyzý deńgeıiniń dınamıkasyna qaraı shekteý sharalaryn uzartý nemese toqtatý týraly sheshim qabyldanady. Bul bizdiń árqaısymyzǵa baılanysty», - dep tolyqtyrdy B.Saǵyntaev.