Almatyda qoǵamdyq baqylaý toby óz jumysyn bastady

/image/2020/07/26/crop-116_5_474x632_200715174813151e.jpg

Almatyda Covid-19 boıynsha «Qoǵamdyq baqylaý» uıymy óz jumysyn bastady. Bul týraly  qoǵamdyq baqylaý tobynyń úılestirýshisi Saıda Táýekeleva aıtty.

«Qoǵamdyq baqylaý toby quryldy. Densaýlyq saqtaý mınıstrligi bizben birge jumys jasaýǵa bekindi. Barlyq aımaqtarda úılestirýshilerimiz bar. Biz gýmanıtarlyq kómektiń bólinýi, dárihanalar men aýrahanalardyń ahýaly, shekteý sharalaryn buzý máselelerin baqylaımyz. Jaqyn arada uıym quqyqtyq mártebesin alyp, múshelerimizge kýálik qujattary beriledi. Biz barlyq máselege obektıvti kózqaraspen qaraımyz», - dedi qoǵamdyq baqylaý tobynyń úılestirýshisi Saıda Táýekeleva.

Qoǵamdyq baqylaý toby quramyna qoǵam belsendileri, eriktiler, sybaılas jemqorlyqqa qarsy kúres qyzmeti men BAQ ókilderi endi.

Gýmanıtarlyq júktiń bólinýin baqylaıtyn top «SQ «Farmasıa» qoımalaryn aralady. Ol jerde Qytaıdan kelgen gýmanıtarlyq júk bólingen bolatyn. Bul baqylaý toby áleýmettik jeli arqyly Katardan, Reseı men Qytaıdan kelgen gýmanıtarlyq júktiń aýrýhanalarǵa qalaı úlestirilip jatqanyn jarıalady. Sýretter men vıdeony áleýmettik jeliden kórýge bolady.

Eske sala keteıik, biz buǵan deıin Qyzylordaǵa Qytaıdan 34 myń maska jáne 8 myń qolǵap jetkizilgenin jazǵan bolatynbyz. Al 14 shildede Pavlodar oblysyna Katardan jeke qorǵanys zattarynan quralǵan gýmanıtarlyq júk kelip túsken .

11 shildede QR DSM basshysy Alekseı Soı elde medısınalyq uıymdardyń jumysyn baqylaıtyn táýelsiz uıym qurylatynyn aıtqan bolatyn. QR Aqparat jáne qoǵamdyq damý mınıstri Aıda Balaevanyń tapsyrmasymen «Qoǵamdyq baqylaý» aksıasyna QazAqparat HAA aqparattyq qoldaý kórsetedi.

 

Pikir qaldyrý

Qatysty Maqalalar