Óńirlik komýnıkasıalar qyzmetiniń onlaın brıfıńi barysynda Almaty qalasy Almaly aýdanynyń ákimi Bekqalı Torǵaev aýdan aýmaǵynda ornalasqan dárihanalardaǵy dárilik preparattar baǵasy men dárilik qamtamasyz etý jaǵdaıy baqylaýda ekenin aıtty.

Brıfıńke sonymen birge, Almaty qalasy Almaly aýdanynyń Jergilikti polısıa qyzmetiniń basshysy Rústem Ábdiǵalıev , Almaty qalasy Almaly aýdanynyń Taýarlar men qyzmetterdiń sapasy men qaýipsizdigin baqylaý basqarmasynyń basshysy Sáýle Nurǵalıeva qatysty.

Almaly aýdany boıynsha mobıldi brıgadalar jumys isteıdi. Olardyń bireýi dárihanalarǵa dárilerdiń bar-joǵy men baǵalaryna monıtrorg jasaıdy.

«Karantınniń ekinshi tolqyny bastalǵan kezde dárilik preparattarǵa degen jetispeýshilik baıqaldy. Alaıda búgingi tańda atalǵan jaǵdaı turaqtandyryldy. Bizdiń aýdanda 22 dárihana monıtorıńke alynady», — dedi Almaly aýdanynyń ákimi.

23 ataýly áleýmettik mańyzdy dári-dárimek aýdandaǵy belgilengen 22 dárihanada bar. Sonymen birge, dárilik preparattardyń baǵasyn kótergen tártipbuzýshylar shuǵyl anyqtalýda. Baǵany qalyptastyrý máselesi monıtorıńtik brıgadalardyń qatań baqylaýynda, buzýshylarǵa qatysty sharalar qabyldanýda. Búgingi tańda 11 dárihanaǵa qatysty ákimshilik sharalar qabyldanǵan.

«Aýdannyń krımınaldyq polısıa bóliminiń qyzmetkerlerimen dárilik preparattardy belgili adamdardyń alyp-satý faktisi boıynsha jedel aqparat alyndy. Atalǵan azamattar tergeý tobymen ustaldy. Zańsyz kásipkerlikti júzege asyrýmen aınalysqan atalǵan azamattarǵa qatysty qylmystyq is qozǵaldy», — dep habarlady jergilikti polısıa basshysy R. Ábdiǵalıev.

Almaly aýdanynyń turǵyndaryn qala dárihanalaryndaǵy sertıfıkattalǵan dárilik preparattardy alýǵa shaqyrýda.