Almaty ákimi B. Saǵyntaev dári-dármek pen jerleý qyzmeti baǵasynyń ósirgen azamattar tıisti jazasyn alatynyn habarlady.

Qala ákimi óziniń sózinde 8 adamnyń polısıaǵa zırat jumysshylaryna qatysty resmı túrde shaǵymdanǵanyn aıtty. Ótinish bildirgenderdiń aıtýynsha, olar jerleý qyzmetteri úshin qosymsha aqy tóleýge májbúr bolǵan, olardy belgilengen qunǵa qosymsha 70-ten 80 myń tg deıin tóleýge májbúr etken.

Prezıdent tapsyrmalaryn oryndaý maqsatynda zırat qyzmetkerleriniń zańsyz is-áreketiniń jolyn kesý úshin arnaıy jedel-tergeý toptary quryldy. Qazirgi ýaqytta eki azamat qolǵa tústi. Jerleý kezinde zańsyzdyqtyń jolyn kesý maqsatynda basqa da jerleý oryndary tekseriledi.

Dárilik zattardy zańsyz satý jáne olarǵa baǵany kóterý faktilerin anyqtaý jáne jolyn kesý maqsatynda prokýratýra, PD, JD, JD, TQSBQD, jergilikti polısıa qyzmetiniń qyzmetkerlerinen turatyn mobıldi top quryldy. Búgingi tańda osyndaı 100-den astam quqyq buzýshylyq anyqtaldy, olardyń 24-i boıynsha dárilik zattardy satý faktisi boıynsha qylmystyq is tirkelgen. Osy isterdi tergeý sheńberinde 986 qaptama («Levosın», «Ingavırın», «Fraksıparın», «Azıtromısın» jáne t. b.) dárilik zattar, sondaı-aq 8,5 mln dana medısınalyq maskalar alynyp, stasıonarlarǵa berildi.

Qala dárihanalarynda dári-dármekterdiń baǵasyn zańsyz kóterýdiń barlyǵy 93 faktisi anyqtaldy. 39 adam QR ÁQBK 426-baby (farmasevtıkalyq qyzmet jáne dárilik zattar men medısınalyq buıymdar aınalymy salasyndaǵy erejelerdi buzý) boıynsha ákimshilik jaýapkershilikke tartyldy.

«Qalada medısınalyq buıymdar men dárilik preparattardy alyp satatyndar baıqaldy. Olar kóterme saýdada eń tanymal dári-dármekterdi satyp alyp, ınternette habarlandyrý bergen. Biz árbir osyndaı habarlandyrýdy Almaty qalasynyń Polısıa departamenti arqyly baqylap, satyp alýshylar retinde olarǵa kelip, odan ári qajetti sharalar qabyldadyq. Osylaısha, biz 8,5 mln tg dári-dármekterdi tárkiledik», — dedi ákim.