Almatyda pedofıldi ustaǵan polısıa maıory Baqytjan Bákirov Qazaqstan prezıdentiniń jarlyǵymen İİ dárejeli "Aıbyn" ordenimen marapattaldy. Bul týraly Polisia.kz habarlady.

"Qyzmettik boryshyn oryndaý kezinde kórsetken erligi men janqıarlyǵy úshin İshki ister mınıstrligi Almaty qalasy polısıa departamenti Túrksib aýdandyq polısıa basqarmasynyń jedel ýákili Baqytjan Ánýarbekuly Bákirov II dárejeli "Aıbyn" ordenimen marapattalsyn" delingen jarlyq mátininde.

11 shildede Túrksib aýdanynda bolǵan. Pokrovskaıa kóshesindegi úıde ury tórt jasar er bala men 15 jastaǵy ápkesin pyshaqpen qorqytyp, 17 myń dollardy ıemdengen. Sodan keıin qylmysker jasóspirim qyzǵa zorlyq-zombylyq áreketterin jasaǵan. Keıin ál-Farabı dańǵylyndaǵy úıde jasyrynǵan kúdikti polıseıden qashyp, turǵyn úıdiń joǵarǵy qabatynan sekirip ketken. Polısıa qyzmetkeri Baqytjan Bákirov qylmyskerdiń sońynan 13-qabattan sekirip, tabanyn taıdyryp alǵan edi.

Ustalǵan kúdikti kámeletke tolmaǵan jasóspirimdi tonaý jáne zorlaý faktisi boıynsha aıyptalýda. Almaty qalasynyń polısıasy ony tórt kún boıy izdestirip kelgen. Polısıa maıory Baqytjan Bákirovtiń aıaǵyna úsh ret operasıa jasaldy.