Qazaqstan koronavırýs juqtyrǵandar sany jóninen vırýs alǵash taraǵan Qytaıdan ozyp, álem elderiniń arasynda 26-orynǵa shyqty.
Densaýlyq saqtaý mınıstrliginiń 28 shildedegi deregi boıynsha, ótken táýlikte elde 1526 adamnan koronavırýs tabylǵan. Osydan keıin elde Covid ınfeksıasyn juqtyrǵandar sany 84 648-ge jetti. Al Qytaıda indetke shaldyqqandar sany – 83 959.
Worldometers.info saıtynyń 28 shildedegi dergi boıynsha dúnıejúzinde 16,6 mıllıonnan astam adam Covid juqqan. Osy ýaqytqa deıin olardyń 656 myńnan astamy qaıtys boldy.
Koronavırýstan eń qatty zardap shegip jatqan el – AQSH. Elde 4,4 mıllıonnan astam adamǵa vırýs juǵyp, 150 myńnan astam adam indetten qaıtys bolǵan.
Pikir qaldyrý