Qazaqstannyń memlekettik bas sanıtar dárigeriniń jańa qaýlysyna saı, qazaqstandyqtar jabyq nysandarmen birge kóshede jáne kólikte maska taǵyp júrýge mindetteldi. Bul týraly QazAqparat habarlady.

Eldiń bas sanıtar dárigeri Aıjan Esmaǵambetova 2020 jyldyń 27 shildesinde «Qazaqstan Respýblıkasynyń memlekettik bas sanıtarlyq dárigeriniń 2020 jyldyń 26 maýsymyndaǵy №43 qaýlysyna ózgerister men tolyqtyrýlar engizý týraly» jańa qaýlyǵa qol qoıdy. 

Qaýlydaǵy erejege saı, adamdar jabyq nysandarmen birge kóshede jáne kólikte mindetti túrde maska taǵýy tıis. Sondaı-aq qaýlyda COVID-19 aýrýyn juqtyrǵan adamǵa kómektesetin saý azamattarǵa, koronavırýs ınfeksıasyna uqsas aýrý belgileri paıda bolǵan jaǵdaıda maska taǵý mindettelgen.

Qaýlyda aıtylǵan talap saqtalmasa, kináliler ákimshilik jaýapkershilikke tartylady.