Búginde ınfeksıamen kúresýge medısına qyzmetkerlerimen birge eriktiler de jappaı jumyla bastady.  Máselen, Almaty oblysyndaǵy alakóldik kásipkerler men jany jomart turǵyndar aýdanymyzda ornalasqan emdeý mekemelerine medısınalyq qural-jabdyqtardy syıǵa tartýda. Osy rette indetke shaldyqqan naýqastardyń emine shıpa bolar degen senimmen qoldaý kórsetip, 11 ottegi konsentrantyn tabys etti.

Qoldaý bildirgen azamattardyń qatarynda «Alakól aýdannyń qurmetti azamaty», eńbek ardageri Saparǵalı Abdınov, Qarabulaq aýylynyń turǵyny Kúlsim Jaqanbaeva,  «Qazaqstan temirjoly» UK AQ, «Jazylbekov ı K» kompanıasynyń ókili Aıdar Jazylbekov, «Baǵaly – Alakól» JSHS ókili Dáýren Slámov,  jeke kásipker Qanat Nuǵymanov bar. Sondaı-aq, aýdanda ornalasqan «Mereı-Ásem» JSHS basshysy S. Qarabekov ókpedegi qanaınalym júıesin ólsheıtin (Satýrasıa) 50 dana Pulse Oximeter apparatyn aýdandyq ortalyq aýrýhanaǵa tabystady.

Shara barysynda alakóldik jomarttar elimizdegi jaǵdaıǵa baılanysty koronavırýs ınfeksıasymen kúresip jatqan aq halatty abzal jandardyń eńbekteri orasan zor ekenin aıtyp, dárigerlerge alǵys bildirdi. Sońynda aýdan ákimi Álibek Jaqanbaev osyndaı qıyn qystaý kezeńde halyqtyń janashyry bolyp, bereke men birligimizdi kórsetip,  jaqsylyq isterde jarysyp, ıgilikke toly isterde qol ushyn sozǵan azamattarǵa óziniń jáne aýdan turǵyndarynyń atynynan alǵys aıtty.

Aıdar QALIEV

Almaty oblysy