Tekeli qalasynyń eriktileri erlep tur. Olar áleýmettik jaǵynan tómen otbasylar men jetim-jesir, aýrý-syrqaýlarǵa, tosynnan járdemge zárý bolyp qalǵandarǵa kómek qolyn sozýda. Jaqsylyq jasaýǵa jarysa umtylyp, barymen bólisip, ortaq maqsatqa jumyla atsalysýda.

Atap aıtsaq, «Kerimbek bı» meshiti jamaǵatynyń bastamasymen qalalyq aýrýhanasyna ottegi konsentratory, qorǵanys kıimderi (10 dana), qorǵanys betperdeleri (5 dana), respırator KN 95 (50 dana) syıǵa tartyldy.

Qurban aıt meıramy qarsańynda ıgi sharany qolǵa alyp, óz qoldarynan kelgen kómegin kórsetip jatqan meshit jamaǵatynyń qaıyrymdylyǵy – bereke-birliktiń úlgisi.

Tekeli qalasyndaǵy «Meıirim» tobynda 40 erikti bar. Jyl basynan eriktiler úsh ret «Ardagerlerdi ardaqtaıyq» aksıasyn ótkizdi.  «Shapaǵat» qarttar úıiniń aýlasyna tazalyq aksıasyn jasady jáne Tyshenko Mıhaıl Abramovıch soǵys ardagerimizdiń aýlasyn qys mezgilinde qardan tazalap, áktep boıaý jumystaryn jasady. Eriktiler elimizdegi tótenshe jaǵaıǵa baılanysty qıyn kezderi 204 otbasyna azyq-túlik, qalamyzdyń turǵyndaryna 1520 betperde taratty. Eriktiler apta saıyn qalada tazalyq aksıasyn ótkizýde.