Sáken Sársenov ishki ister mınıstriniń orynbasary qyzmetine taǵaıyndalǵannan keıin óziniń Facebook jelisindegi paraqshasynda jazba qaldyrdy.
Jazbada vıse-mınıstr Sársenov prezıdent Toqaev pen ishki ister mınıstri Turǵymbaevqa alǵysyn bildirdi.
"İshki ister mınıstrliginde jumysqa kirisip, ózimniń mindetterim boıynsha jumys baǵytyn anyqtadym. İshki ister organdarynyń jumysyn sıfrlandyrýdan basqa, men vedomstvonyń ishki jáne syrtqy baılanystaryn qadaǵalaıtyn bolamyn.
Mınıstr maǵan elimizdiń azamattarymen ishki ister mınıstrliginiń qyzmeti boıynsha ashyq dıalog ornatýdy tapsyrdy.
Mınıstrlikti sıfrlandyrý boıynsha da aýqymdy jumys kútip tur, onyń oryndalý barysy týraly osynda jazyp otyramyn. Ádettegideı, Sizderdiń ıdeıalaryńyz ben usynystaryńyzǵa ashyqpyn jáne árqashan baılanysta bolamyn.
P.S. Maǵan áskerı shen berileme degen kóptegen suraqtar jazylyp jatyr, aıtarym – men azamattyq laýazymda jumys atqaramyn, pogon taqpaımyn",- delingen jazbada.
3 tamyz kúni prezıdent Qasym-Jomart Toqaevtyń ókimimen Sáken Seıtjapparuly Sársenov ishki ister mınıstriniń orynbasary qyzmetine taǵaıyndalǵan.
Pikir qaldyrý