Jambylda bolǵan jol apatynan bir balýan aýyr halde komaǵa tústi. Bul týraly oblystyń densaýlyq saqtaý basqarmasynyń baspasóz qyzmeti habarlady. 

3 shildede Jambyl oblysynda bolǵan jol apatynan erkin kúres balýandary Nurdáýlet Zaýytbek jáne Shyńǵysqan Muhametqalıev aýyr halde aýrýhanaǵa jetkizilgen bolatyn. Qazir balýannyń biri – Shyńǵysqan Muhametqalıevtiń komaǵa túskeni belgili boldy.

– Qordaı aýrýhanasyna 1998 jáne 1999 jyly týǵan eki naýqas tústi. 1999 jyly týǵan Muhametqalıevtiń mı serebral isigi boldy. Qazir onyń jaǵdaıy óte aýyr. Dárigerler oǵan ota jasady. Komada jatyr, sanavıasıany shaqyrdyq. Ekinshi naýqastyń jaǵdaıy ortasha, turaqty. Ol da birneshe jaraqat alǵan, – dedi oblystyń densaýlyq saqtaý basqarmasynyń baspasóz hatshysy Tolqyn Ómirbekova.

Buǵan deıin bir top (bes bala) erkin kúres balýany jol apatyna túsip, Jaqsybek Karabalaev pen Janbota Baıbazar oqıǵa ústinde, al Ilás Jumaıdyń aýyr halde aýrýhanada kóz jumǵany habarlanǵan.