Búgin Almaty qalasy óńirlik komýnıkasıalar qyzmetiniń alańynda ótken onlaın brıfıń barysynda Almaty qalasynyń Áleýmettik ál-aýqat basqarmasy basshysynyń orynbasary Danıar Álkebaıuly jáne Eńbek, áleýmettik qorǵaý jáne kóshi-qon komıteti Departamentiniń basshysy Aıdynjan Narmatov, medısınalyq áleýmettik mekemelerdiń (MÁM) aýmaǵynda koronavırýstyq ınfeksıasynyń taralýyn aldyn alý úshin qabyldanǵan sharalar týraly aıtty.

Almatyda qalasynyń Áleýmettik ál-aýqat basqarmasyna vedimistik baǵynyshty 9 medısınalyq-áleýmettik mekeme bar, olar arnaıy áleýmettik qyzmnt kórsetedi. Qyzmet kórsetiletinderdiń sanattaryn eskere otyryp, táýekel tobyna enetin toptarǵa (qarttar, kóptegen patologıalary bar múgedekter) ınfeksıanyń taralýyn boldyrmaý úshin mekemelerde qyzmetkerler úshin arnalǵan súzgi uıymdastyrylǵan. Dene qyzýlary kún saıyn tańerteń ólshenedi jáne kóterilgen jaǵdaıda qyzmetkerler tekserýge jiberiledi.

«Qyzmet alýshylar men qyzmetkerlerge kúndelikti bir rettik medısınalyq maskalar beriledi. Qoldy antıseptıkterdi paıdalanyp, gıgıenalyq tazalyq sharasy júrgiziledi. Medısınalyq sharalar kezinde bir ret paıdalanylatyn sterıldi qolǵaptar qoldanylady», — dedi Danıar Álkebaıuly.

Sonymen qatar, barlyq bólmege kúnine az degende 3 ret tazalyq jáne dezınfeksıalyq quraldardy qoldana otyryp, mindetti túrde tazalyq sharalary júrgiziledi. Iaǵnı, esik tutqalary, ústelder, oryndyqtar (kreslolar), terezeler men shamdar, esikter, tósekter, týmbochkalar, rozetka, lıft taǵy basqa da jerler mindetti túrde óńdeledi.

Aıdynjan Narmatovtyń aıtýynsha, qyzmet alýshylardyń koronavırýstyq ınfeksıasyn juqtyrý qaýipin azaıtý úshin mekeme aýmaǵynda qyzmetkerlerden aýrý belgilerin anyqtaý úshin tekseris júrgiziledi.

Medısınalyq áleýmettik mekeme qyzmetin alýshylar men qyzmetkerlerine SES-ke berilgen ótinimge sáıkes, aıyna 1 ret koronavırýstyq ınfeksıaǵa turaqty túrde testileýden ótkiziledi. Búginde ár medısınalyq áleýmettik mekemede 3 ret testileýden ótken.

Sonymen qatar, MÁM-niń qyzmetin jaqsartý jáne sapasyn baqylaý maqsatynda qoǵamdyq keńes quryldy.

«Qoǵamdyq keńestiń quramyna osy áleýmettik mekemelerde turatyn qyzmetkerlerdiń týystary kirdi. Olar kez kelgen ýaqytta qyzmet sapasyn tekserip, týyndaǵan problemalardy aıtyp otyrý úshin qoǵamdyq keńeske kirgizildi», — dep tolyqtyrdy Aıdynjan Narmatov.

Bul sharalar qyzmettiń ashyq ári adal jasalýyna, qyzmetkerlerdiń tártipti saqtaýyna negizdelgen.

Almaty qalasynda ornalasqan medısınalyq jáne áleýmettik mekeme qyzmetkerleri men qabyldaýshylary arasynda búginge deıin koronavırýstyq ınfeksıadan qaıtys bolǵandar tirkelgen joq.